काठमाडौँ । प्युठानमा खोला तर्ने क्रममा बगाउँदा दुई दाजुभाइको मृत्यु भएको छ।
प्रहरीका अनुसार नौबहिनी गाउँपालिका–५, काटेका यामबहादुर खत्रीका १० वर्षीय छोरा मिलन खत्री र सात वर्षीय छोरा बिमल खत्री जोगी पनेरा खोला तर्ने क्रममा बगेर बेपत्ता भएका थिए।
इलाका प्रहरी कार्यालय लुङबहाने र प्रहरी चौकी डामृबाट खटिएको टोलीले खोजी अभियान सञ्चालन गरेको थियो। खोजीका क्रममा बिमलको शव मंगलबार दिउँसो फेला परेको थियो भने मिलनको शव बुधबार बिहान भेटिएको प्रहरीले जनाएको छ।
